Pèire Puget, lou Miquèl-Àngi francés de Marsiho !

Escultour, dessinaire, pintre emai architèite francés, Pèire Puget fuguè glourifica pèr d’autour noumbrous dei siècle XVIIIe e XIXe. Soulet capable d’èstre coumpara emé Miquèl-Àngi vo Bernin, l’ilustre Marsihés pourtè sa pèiro au clapié pèr l’entràgi de l'art barrò en Franço. Creatour coumpli, soun gàubi subre-passè lei teinico.

UN MARSIHÉS QUE FASIÉ TREMOULA LOU MAUBRE !

Pèire Puget neissè à Marsiho en 1620 dins uno famiho de massoun dóu bàrri dóu Panié. Dins sei 14 an, entamenè soun aprendissàgi dins un ataié d’esculturo sus boues. À 18 an, lou joueine Marsihés leissè Prouvènço pèr l'Itàli e anè vers leis ataié de la marino dóu grand-duco de Touscano, prenènt sa part dins uno moulounado de chantié beileja pèr lou pintre emai architèite Pèire de Cortone, l'un deis artisto barrò de trìo de la peninsulo. Un còup acabado sa fourmacien, noueste Marsihés revenguè en Prouvènço. Tre 1645, es à Touloun que faguè sa proumiero obro dei grosso : lou pourtau de l’oustau de la coumuno qu'acabè en 1656. Aquéstou cap-d'obro lou rendeguè quatecant proun famous pèr lou fa « mounta à Paris » pèr li rescountra soun proumié mecenas, Fouquet, subre-intendènt dei finanço, pèr qu faguè manto uno esculturo pèr leis ournamen dóu pargue de Vau-lou-Viscomte, dins la Brìo. Mai la desgràci d’aquéu d’aquito fourcè noueste artisto à quita la Franço pèr Gèno, mounte restè de 1661 à 1668. Soun estile si li amadurè proun pèr si retrouba puei dins toui seis obro. En 1668, Colbert lou faguè reveni pèr li fisa la direicien de l'ataié d’esculturo de l'arsena de Touloun. Tambèn, recebè coumando de manto uno obro coumo lou relèu esculta de maubre rapresentant Aleissandre e Diougene vo l’estatuo de Miloun de Crotone pèr decoura lou chantié lou mai gros d'Europo à-n-aquelo epoco : lou pargue de Versaio ! Quouro mouriguè lou 2 de desèmbre 1694 à Marsiho, Pèire Puget leissè un eiretàgi de remarco toucant l’esculturo, la pinturo, lou dessin emai l’architeituro. D’obro que si retrobon un pau pertout dins lou mounde, de Marsiho à Washington en passant pèr z-Ais, Touloun, Berlin o Paris qu’uno salo dóu Louvre pouerto meme soun noum pecaire ! Sa vilo natalo rèsto fièro vuei de soun fiéu que li pourgè l’un de sei pus bèu mounumen : la Vièio Carita e sa capello famouso couifado d’uno coupolo ouvouïdo sènso pariero dins lou mounde !

UN MARSIHÉS GLOURIFICA PÈR GAUTIER, BAUDELAIRE EMAI MISTRAL !

Coumprenèn ensinto coumo va que Pèire Puget fuguè l’un deis artisto lei pus famous dóu reignàgi de Louei XIV. Seis obro de maubre espetacloue à Versaio emai à Gèno li assegurèron sa reputacien de soun vivènt de Roumo à Paris. Mai es au siècle XIXe, entre 1820 et 1860, que fuguè bouta sus lou pountin coumo gaire bouonodi la plumo d’escrivan majour de la pountannado. Teoufile Gautier escriguè lou 24 d’avoust 1854 : « Pèire Puget es vengu l’estatuàri lou mai grand de soun epoco e belèu l’artisto lou mai francamen Francés que poudèn si n’en glourifica. » Carle Baudelaire li counsacrè uno estrofo de soun pouèmo "Lei Flambèu" enseri dins Lei Flour dóu mau : « Coulèro de bóussaire, insoulènci de faune, / Tu que sachères rabaia la bèuta dei bogo, / Gros couar gounfle d’ourguei, ome anequeli emai jaune, / Puget, malancòni emperaire dei fourçat ». E coumo pèr apoundre au clapié, noueste Prèmi Nobel de literaturo, Frederi Mistral, noun restè nimai de maubre fàci à tal engèni creaire. Saludè noueste artisto dins sa segoundo grando epoupèio, Calendau (1867), au cant VI, que n’en vaquito un escapouloun : « Ah ! Me sounjave dins ma fougno, / Estatuaire à duro pougno, / Que sentiés davans tu lou maubre tremoula, / Espeiandrado e mercantilo, / Quand óufriguères à ta vilo / De la vesti de nòu dins l’ordre courintian ». Uno guignado pouëtico dei bello que faguè restountido à la fraso famoue de Puget dins sa letro adreissado à Louvois en 1683 : « Lou maubre tremouelo davans iéu, coumo que siegue grosso la pèço ! ». L'architèite Enri-Jaque Espérandieu reprenguè aquel elògi en 1869 en boutant doui medaioun esculta pèr Felipe Poitevin à l'entrado dóu museon dei bèus-art de Marsiho au Palais Long-champ. 
 

Jan-Miquèu TURC
Proufessour certifica de lingo prouvençalo à Marsiho 
(Ciéuta Escoulàri Internaciounalo Jaque Chirac)
Majourau dóu Felibrige
 

MERAVIHOUSO ! LA VIÈIO CARITA, CAP-D’OBRO DE L’ART BARRÒ EN FRANÇO !

Es dintre lou Panié que s’atrobo l'un dei cap-d'obro de l'art barrò en Franço, l’Ouspìci de la Vièio Carita, soulet edifìci publi coumanda pèr Marsiho à Pèire Puget architèite dóu Rèi Louei XIV, vuei l’un dei pus bèu mounumen de la vilo. L’edit reiau toucant "l'embarramen de la pauriho emai dei mendicant" permeteguè au Counsèu deis Escabin d’enrouta lou 8 de desèmbre 1622 lou proujèt de coustrucien d'un Ouspìci pèr respouendre à-n-uno poupulacien noumbrouso vengudo dei campagno vo arribado sus lou port. Si debanèron trento an vo quàsi, entre la croumpo en 1640 pèr la vilo de Marsiho d'un terren pròchi la Catedralo la Major la vièio e la demando au Marsihés Pèire Puget, architèite dóu Rèi Louei XIV. Mai Marsiho esperè setanto an e mai, de la proumiero pèiro pauvado en 1671 fin qu’à l’acabado dóu chantié en 1745, em’un proujèt iniciau apichouni. Óubràgi grandaras coumpauva de quatre alo de bastimen estigança segound un reitangle de 112 mètre sus 96, la Vièio Carita porge de muraio sènso fenèstro sus lou defouero, emai tres estànci de galarié subre-pauvado emé d’arcado d’à plen cintre si durbènt sus uno court au dedins de 82 mètre x 45 mètre. Au cèntre d’aquéu quadrilatère, dins l’aisse de la pouarto d’intrado, si capito uno capello armouniouso em’un ravelin dei coulouno corintiano e couifado d’uno coupolo eliptico que Puget, pecaire, n’en veguè pas l’acabado en 1704. Sa fourmo ouvouïdo rèsto enca vuei foueço raro en architeituro e sarié meme uno pèço unico au mounde ! À-de-rang facho pèr acuï la pauriho, leis enfant emai lei vièi, puei óucupado pèr l'armado pèr èstre enfin abandounado, la Vèio Carita esperè la debuto deis annado 40 pèr qu’un denouma Le Corbusier defendeguèsse lou proujèt de restauracien coumplèto de l’edifìci. Aquelo-d’aquito, entamenado en 1961, s’acabè en 1986 e coustè dins soun toutun de milien d’eurò, valènt-à-dire aperaqui la bastisoun de cènt coulègi !

PIERRE PUGET, LE MICHEL-ANGE FRANÇAIS DE MARSEILLE !

Sculpteur, dessinateur, peintre et architecte français, Pierre Puget fut célébré par de nombreux auteurs aux XVIIIe et XIXe siècles. Seul à pouvoir soutenir la comparaison avec Michel-Ange ou Bernin, l'illustre marseillais fut l'un des introducteurs de l'Art baroque en France. Créateur complet, son talent transcenda les techniques.

UN MARSEILLAIS QUI FAISAIT TREMBLER LE MARBRE !

Pierre Puget naquit à Marseille en 1620 dans une famille de maçons du quartier du Panier. À l'âge de 14 ans, il entra en apprentissage dans un atelier de sculpture sur bois. À 18 ans, le jeune Marseillais quitta la Provence pour l'Italie et intégra les ateliers de la marine du grand-duc de Toscane, participant à de nombreux chantiers sous la direction du peintre et architecte Pierre de Cortone, l'un des plus grands artistes baroques de la péninsule. Une fois sa formation terminée, notre Marseillais revint en Provence. Dès 1645, c’est à Toulon qu’il réalisa son premier travail important : le portail de l'hôtel de ville qu'il achèva en 1656. Ce chef-d'œuvre lui valut une renommée immédiate qui le fit « monter à Paris » auprès d’un premier mécène, Fouquet, surintendant des finances, pour qui il réalisa diverses sculptures pour les ornements du parc de Vaux-le-Vicomte, dans la Brie. Mais la disgrace de ce dernier poussa notre artiste à quitter la France pour Gênes, où il demeura de 1661 à 1668. Son style y atteignit une maturité qui se retrouva dans toutes ses œuvres par la suite. En 1668, Colbert le rappela pour lui confier la direction de l'atelier de sculpture de l'arsenal de Toulon. Parallèlement, il reçut commande de diverses statues comme le relief sculpté en marbre représentant Alexandre et Diogène ou une statue de Milon de Crotone destinées à décorer le plus grand chantier d'Europe à l’époque : le parc de Versailles ! Lorsqu’il mourut le 2 décembre 1694 à Marseille, Pierre Puget laissa un héritage remarquable touchant la sculpture, la peinture, le dessin et l’architecture. Des œuvres que l’on retrouve un peu partout dans le monde, de Marseille à Washington en passant par Aix, Toulon, Berlin ou Paris où une salle du Louvre porte même son nom. Sa ville natale reste aujourd’hui fière de l’un de ses fils qui lui offrit l’un de ses plus beaux monuments : la Vieille Charité et sa fameuse chapelle coiffée d’une coupole ovoïde unique au monde !

UN MARSEILLAIS MAGNIFIÉ PAR GAUTIER, BAUDELAIRE ET MISTRAL !

On comprend ainsi comment Pierre Puget fut l’un des artistes les plus célèbres du règne de Louis XIV. Ses grandes sculptures de marbre à Versailles et à Gênes lui assurèrent sa réputation de son vivant de Rome à Paris. Mais c’est au cours du XIXe siècle, entre 1820 et 1860, que sa renommée atteignit certainement un sommet indéniable sous la plume de divers grands écrivains de l’époque. Théophile Gautier écrivit le 24 août 1854 : « Pierre Puget est devenu le plus grand statuaire de son époque et peut-être l’artiste le plus franchement français dont nous pouvons nous glorifier ». Charles Baudelaire lui consacra une strophe de son poème "Les Phares" inséré dans Les Fleurs du mal : « Colères de boxeur, impudences de faune, Toi qui sus ramasser la beauté des goujats, Grand cœur gonflé d’orgueil, homme débile et jaune, Puget, mélancolique empereur des forçats ». Et non des moindres, notre Prix Nobel de littérature, Frédéric Mistral, qui ne resta pas non plus de marbre face à tant de génie créateur. Il salua notre artiste dans sa deuxième grande épopée, Calendal (1867), au chant VI, dont voici un extrait : « Ah ! pensais-je en moi-même dans mon froissement, vieux statuaire à dur poignet, qui sentais devant toi trembler le marbre, à ta ville en haillons et mercantile quand tu t'offris pour la vêtir à neuf dans l'ordre corinthien ». Un beau clin d’œil poétique qui fit écho à la fameuse phrase de Puget dans sa lettre adressée à Louvois en 1683 : « Le marbre tremble devant moi, si grande que soit la pièce » ! L'architecte Henri-Jacques Espérandieu reprit cet éloge en 1869 en plaçant deux médaillons sculptés par Philippe Poitevin à l'entrée du musée des beaux-arts de Marseille au palais Longchamp. 
 

MERVEILLEUSE ! LA VIEILLE CHARITÉ EST L’UN DES CHEF-D’ŒUVRES DE L’ART BAROQUE EN FRANCE ! 

C’est au cœur du Panier que se trouve l'un des chef-d'œuvres de l'art baroque en France, l'Hospice de la Vieille Charité, seul édifice public commandé pour Marseille à Pierre Puget architecte du Roi Louis XIV, aujourd’hui l’un des plus beaux monuments de la ville. L'application d'un édit royal sur "l'enfermement des pauvres et des mendiants" permit au Conseil des Échevins de lancer le 8 décembre 1622 le projet de construction d'un Hospice pour faire face à l'affluence d'une population désoeuvrée ayant déserté les campagnes ou ayant débarqué sur le port. Près de trente ans s'écoulèrent entre l'achat par la ville de Marseille en 1640 d'un terrain situé près de la Cathédrale de la Major (la vieille) et l'appel au marseillais Pierre Puget, architecte du Roi Louis XIV. Mais Marseille dut attendre plus de 70 ans entre la pose de la première pierre en 1671 et la fin du chantier en 1745, le projet initial ayant été revu à la baisse. Vaste ouvrage composé de quatre ailes de bâtiments disposés suivant un rectangle de 112 mètres sur 96, la Vieille Charité offre des murs extérieurs sans fenêtre, et trois étages de galeries superposées avec des arcades en plein cintre s’ouvrant sur une cour intérieure de 82 m x 45 m. Au centre de ce quadrilatère, dans l’axe de la porte d’entrée, se trouve une chapelle harmonieuse précédée d’un porche à colonnes corinthiennes et coiffée d’une coupole elliptique dont Puget ne vit pas l’achèvement en 1704. Sa forme ovoïde reste encore aujourd’hui très rare en architecture et constituerait même une pièce unique au monde ! Tour à tour réservée à l’accueil des pauvres, aux enfants et aux vieillards, puis occupée par l'armée pour être enfin abandonné, la Vieille Charité dut attendre le début des années 1940 pour qu’un certain Le Corbusier défende le projet de restauration complète de l’édifice. Celle-ci, commencée en 1961, s’achèva en 1986 pour un coût total de plusieurs millions d’euros équivalant à la construction de cent collèges !